21 سبتمبر

✅العقلية لي لازم تنقرض انك تبشع السيارة ب froid فقط حتى تتجنب الصبيغة وتزيد تغطيها ب autocollant … عزيزي المالك نتا راك راكب وكاسب سيارة نظيفة قدر الله تقاست علاه ماتخدمهاش وترجعها نظيفة كيما كانت اذا نتا تخاف من السوق معناه انت لست مستهلك وكساب انت بزناس… لان الكساب لا يهمه السوق بل تهمه حالة سيارته وقبل ما تصبغها صورها حتى نهار تبيع تكون صادق وشفاف مع الشاري
✅بالنسبة للشاري كي تلقى سيارة معفونة ب froid راهي سيارة في حالة هيكل سيئة وهذا ينقص من سعرها لانه يتطلب تكاليف لاصلاحها.. أما كي تلقى بائع نظف السيارة واخدمها وخسر عليها فهذا يدل على محافظته على حالة سيارته ماشي تروح تحشلوا ركايبوا في السومة…
✅حكاية choc و accident هي أمور يفصل فيها Tôlier… سيارتك تتقاس وتتضرب امر عادي فهي ليست سيارة معرض و showroom هي سيارة تسير في الطريق لي مايحبش الصبيغة يشري من عند الوكيل
⭕المستهلك الجزائري يملك الكثير من العادات السيئة الناتجة على أنه غير كساب ويخمم بمنطق البزناسة لانه مداير السيارة كرأس مال وليست وسيلة تنقل فقط..